童謠-何家公雞何家猜+賭王版何家猜

 

真怪诞呀 又有趣 你望望公园内
有四百只鸡鸡 咕咕咕 是何家的不知道 
何家公鸡何家猜 何家小鸡何家猜
何家公鸡何家猜 何家母鸡 喔喔喔

猴子哥哥熊先生 松鼠妹妹牛叔叔 
黄狗爸爸羊妈妈 来猜来猜唷
  
 咀细细又没有耳 那样貌多可爱 
 那四百只鸡鸡 喔喔喔 是何家的不知道
  (不要笑我是怪鸟 我日日天光叫
  每听到了公 鸡 喔喔喔 在园中的花开了)
  
何家公鸡何家猜 何家小鸡何家猜 
何家公鸡何家猜何家母鸡 喔喔喔 
猴子哥哥熊先生 松鼠妹妹牛叔叔 
黄狗爸爸羊妈妈 来猜来猜唷

 賭王版何家猜

何家何家何家猜

何家等緊何生die

何生die左何妻high

何妻high到give me five

何妻分家唔洗猜

2奶3奶同一line

 何生律師nevermind

一於告到何妻cry

大家不如猜一猜

 最後邊個會__街

童謠-噯豬乖

噯豬乖,噯豬大

噯大個豬仔嫁後(厚)街

後(厚)街有魚有肉賣

重有鮮花戴

我唔戴

留俾媽媽戴

媽媽話我乖。

童謠—氹氹转

氹氹轉,菊花圓

炒米餅,糯米團

阿媽叫我睇龍船

我吾睇,我要睇雞仔

雞仔大,摞去賣

賣得幾多錢?賣得五百錢。

童謠——蘿蔔頭

蘿蔔頭

蘿蔔頭,點豉油,

點得多,鹹過頭,

點得少,淡茂茂。

佢以爲,好正斗,

點不知,畀人踢籮柚,

一踢踢到西門口。

童謠——落雨大

落雨大

落雨大,水浸街,

亞哥擔柴上街賣,亞嫂出街着花鞋,

花鞋花襪花腰帶,珍珠蝴蝶兩邊排,

有錢打對鈴琳鼓,冇錢打個石榴牌。

童謠——椰子夾酸薑

椰子夾酸薑

氹氹紫薑,椰子夾酸薑,

鷄蛋煲茶十五樣,

又擔旗又擔桿,

紅毛火水醃完薑,

醃完一件又一件。

童謠——麻雀仔

麻雀仔

麻雀仔, 擔竹枝,擔上枝頭望亞姨。

亞姨梳隻玲瓏髻,摘朵紅花伴髻圍。

袢帶又長腳又細,咁好花鞋踩落泥。

咁好白飯喂隻貓貓仔,

咁好姑娘嫁個爛賭仔。

童謠——打開蚊帳、打大書包(兩隻老虎曲調)

打開蚊帳

打開蚊帳,打開蚊帳,

有隻蚊,有隻蚊,

快啲攞把扇嚟,

快啲攞把扇嚟,

撥走佢,撥走佢。

打開書包

打開書包,打開書包,

有隻豬,有隻豬,

快啲攞支針嚟,

快啲攞支針嚟,

拮死佢,拮死佢。

童謠——月光光

月光光

月光光,照地堂,蝦仔你乖乖瞓落牀。

聽朝亞媽要趕插秧咯,亞爺看牛要上山坡,

哦哦哦……

蝦仔你快高長大咯,幫手亞爺去看牛羊,

哦哦哦……

月光光,照地堂,蝦仔你乖乖瞓落牀。

聽朝亞媽要捕魚蝦咯,亞嫲織網要織到天光,

哦哦哦……

蝦仔你快高長大咯,撐艇撒網就更在行,

哦哦哦……

月光光,照地堂,蝦仔你乖乖瞓落牀。

童謠——姑丈擔櫈

姑丈擔櫈

姑丈擔櫈孩兒坐,孩兒坐落就劏隻鷄。

鷄會在門前喔喔啼,不如劏隻鴨;

鴨又嫌鴨毛多,不如劏隻鵝;

鵝又嫌鵝頸長,不如劏隻羊;

羊又嫌羊腳叉,不如劏隻馬;

馬又會送加出步頭,不如劏隻牛;

牛會耕田養人口,不如劏隻狗;

狗會東西方有人嚟都知,不如劏隻大貓兒;

貓兒又會捉老鼠,不如劏隻大肥豬;

肥豬食主人三斗祿,主人食佢三塊肥豬肉。