麻雀仔

麻雀仔, 擔竹枝，擔上枝頭望亞姨。

亞姨梳隻玲瓏髻，摘朵紅花伴髻圍。

袢帶又長腳又細，咁好花鞋踩落泥。

咁好白飯喂隻貓貓仔，

咁好姑娘嫁個爛賭仔。

打開蚊帳

打開蚊帳，打開蚊帳，

有隻蚊，有隻蚊，

快啲攞把扇嚟，

快啲攞把扇嚟，

撥走佢，撥走佢。

打開書包

打開書包，打開書包，

有隻豬，有隻豬，

快啲攞支針嚟，

快啲攞支針嚟，

拮死佢，拮死佢。

月光光

月光光，照地堂，蝦仔你乖乖瞓落牀。

聽朝亞媽要趕插秧咯，亞爺看牛要上山坡，

哦哦哦……

蝦仔你快高長大咯，幫手亞爺去看牛羊，

哦哦哦……

月光光，照地堂，蝦仔你乖乖瞓落牀。

聽朝亞媽要捕魚蝦咯，亞嫲織網要織到天光，

哦哦哦……

蝦仔你快高長大咯，撐艇撒網就更在行，

哦哦哦……

月光光，照地堂，蝦仔你乖乖瞓落牀。

姑丈擔櫈

姑丈擔櫈孩兒坐，孩兒坐落就劏隻鷄。

鷄會在門前喔喔啼，不如劏隻鴨；

鴨又嫌鴨毛多，不如劏隻鵝；

鵝又嫌鵝頸長，不如劏隻羊；

羊又嫌羊腳叉，不如劏隻馬；

馬又會送加出步頭，不如劏隻牛；

牛會耕田養人口，不如劏隻狗；

狗會東西方有人嚟都知，不如劏隻大貓兒；

貓兒又會捉老鼠，不如劏隻大肥豬；

肥豬食主人三斗祿，主人食佢三塊肥豬肉。

鷄公仔

鷄公仔，尾彎彎，做人新婦甚艱難！

早早起身都話晏，眼淚唔乾入下間，

下間有個冬瓜仔，問安人老爺煮定蒸，

安人又話煮，老爺又話蒸，

蒸蒸煮煮唔中安人老爺意，

大把拉鹽又話淡，手甲挑鹽又話鹹，

三朝打爛三條夾木棍，四朝跪爛四條裙！

咁好花裙畀你跪爛，咁好石頭畀你跪崩！

橫又難，直又難，

不如捨命落陰間！

人話陰間條路好，我話陰間條路好艱難！ 

年卅晚，買檳榔

月光光，照地堂，年卅晚，買檳榔，

檳榔香，買紫薑，紫薑辣，買芙薘，

芙薘苦，買豬肚，豬肚肥，買牛皮，

牛皮薄，買菱角，菱角尖，買馬鞭，

馬鞭長，買屋樑，屋樑高，買把刀，

刀切菜，買鑊蓋，鑊蓋圓，買條船，

船頭高，船尾矮，浸死兩個番鬼仔，

一個浮頭，一個浸底。

原文来自：http://www.comti.com.cn/xcantonese/index.html

大多數語言都有髒話，廣州話自不例外。然而，有關廣州話髒話的研究近乎一片空白，參考文獻相當缺乏，大抵文人學者皆不欲為之，也不屑為之。髒話是廣州話中客觀存在的語言現象，雖然粗鄙不雅，但是從漢語方言研究的角度看，還是值得加以整理、記錄的。本網站以開放的態度從多方面研究廣州話粗口，分別探討其定義、字形、語音、語義、語法、語言價值、同義詞、委婉說法、遊戲文字、英語翻譯及相關法例等題目，冀能提供有用的參考資料，並填補一般語文參考書和工具書的不足。

继续阅读“廣州話粗口研究”

「九唔搭八」原本是粗口詞語，說法為「鳩唔搭柒」，乃衍生自另一同義詞「牛頭唔答馬咀」。後來這粗口詞語被人稍作改變為「九唔搭八」而出現在電影中，從此便廣泛流傳成為坊間的口頭禪。

意思同樣是指說的話完全脫離主題，或令人摸不著頭腦。今天它已沒有原本的粗俗性質，成為了很普通的形容詞。